PROGRAMA JOIN TFG/TFM

Estás preparando o teu traballo de fin de grao ou mestrado? Se o teu proxecto está relacionado co ámbito agroalimentario ou sanitario, participa en Join TFG/TFM e contribúe a modernización do tecido produtivo de Galicia.

O programa Join TFG/ TFM é unha iniciativa integrada dentro do Proxecto BioIncubaTech, co obxectivo de fomentar ou consolidar o interese dos estudantes universitarios polo sector agroalimentario ou sanitario, mediante un programa con formato concurso con dúas categorías (agroalimentación e saúde) no que se premiarán os mellores traballos de cada categoría.

Para iso, desenvólvese en formato concurso con dúas convocatorias simultáneas para seleccionar os mellores TFG e TFM en:

• Proxectos de biotecnoloxía enfocados ao sector agroalimentario.
• Proxectos de biotecnoloxía enfocados ao sector saúde.

Beneficiarios:

Estudantes de universidades galegas, públicas ou privadas, que presentasen a seu TFG ou TFM defendidos nos 3 últimos cursos académicos (entre outubro 2018 e 30 de setembro de 2021).

Requisitos de participación:

• Que o teu TFG o TFM estea enfocado a aplicación da biotecnoloxía nos sectores agroalimentario ou sanitario. .

• Realizar a defensa do TFG/TFM en calquera institución universitaria do territorio galego, incluíndo tanto universidades públicas coma privadas, nos 3 últimos anos académicos (sempre que remataran antes do 30/09/2021).

• Que o teu TFG ou TFM estean redactados en galego, castelán ou inglés.

• Obter unha cualificación superior a 5.

Premios:

Este programa rematará cun evento no que os gañadores de cada categoría expoñerán os seus traballos e se realizará a entrega de premios, onde os gañadores recibirán unha bonificación económica. 

Se repartirán 3.600€ en premios, 1.800€ en cada categoría.

Proxecto BioIncubaTech:

BioIncubaTech é a Incubadora de Alta Tecnoloxía para o fomento da innovación e transferencia de biotecnoloxía no ámbito da saúde e das tecnoloxías alimentarias as micropemes.

BioIncubaTech é unha iniciativa da Universidade de Santiago de Compostela (España), financiado pola Fundación INCYDE, englobado e financiado dentro do Programa Operativo FEDER de Crecemento Intelixente 2014ES16RFOP001, a través do Organismo Intermedio Cámara de Comercio de España.

BioIncubaTech forma parte do proxecto “Incubadoras de Alta Tecnoloxía para o fomento da innovación e a transferencia da tecnoloxía as micropemes”, orientadas a promover unha modernización do texido produtivo das rexións. As Incubadoras créanse como uns instrumentos tractores alineados cos obxetivos da Estratexia UE 2020 e Horizonte 2020. Cada unha das Incubadoras permitirá promover a cooperación interrexional, así como a colaboración entre os axentes do sector público e empresarial, non so a nivel nacional, senón internacional.